26.1 C
Kathmandu
Thursday, September 29, 2022
25.1 C
Kathmandu
30.6 C
Birgunj

मधेस प्रदेशमा ४ हजार २३५ मतदान केन्द्र, ३३ लाख ८६ हजार मतदाता

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

जनकपुर,०६ असाेज । आसन्न निर्वाचनका लागि मधेस प्रदेशमा जम्मा ३३ लाख ८६ हजार ६२८ मतदाता कायम भएका छन् । प्रदेशका ३२ प्रतिनिधिसभा तथा ६४ प्रदेशसभा निर्वाचन क्षेत्रका लागि आगामी मंसिर ४ गते हुन लागेको निर्वाचनमा १८ लाख २७ हजार ८५४ पुरुष, १५ लाख ५८ हजार ७०४ महिला र ७० जना अन्य मतदाताले आ–आफ्नो मताधिकारको प्रयोग गर्ने प्रदेश निर्वाचन कार्यालयले जानकारी दिएको हो ।

- Advertisement -

आसन्न निर्वाचनका लागि यस प्रदेशमा २ हजार १५६ मतदान स्थल र ४ हजार २३५ मतदान केन्द्र निर्धारण गरिएको प्रदेश निर्वाचन कार्यालयका सूचना अधिकारी कृष्णकुमार राउतले बताए । सप्तरीमा २९५ मतदान स्थल र ५३६ मतदान केन्द्र तोकिएका छन् । जिल्लामा २ लाख १७ हजार २८२ पुरुष, २ लाख १ हजार ७१ महिला र अन्य २१ गरी जम्मा ४ लाख १८ हजार ३७४ मतदाता रहेका छन् ।

- Advertisement -

सिराहामा २२१ मतदान स्थल र ५०५ मतदान केन्द्र तोकिएका छन् भने २ लाख २४ हजार ९९ पुरुष, १ लाख ९८ हजार ६११ महिला र अन्य २ गरी जम्मा ४ लाख २२ हजार ७१२ मतदाता रहेको प्रदेश निर्वाचन कार्यालयले जनाएको छ ।

धनुषामा ३२२ मतदान स्थल र ६०५ मतदान केन्द्र तोकिएका छन् । यस जिल्लामा २ लाख ५२ हजार ९१५ पुरुष, २ लाख २१ हजार ६६५ महिला र अन्य ७ गरी कूल ४ लाख ७४ हजार ५८७ जनाले आ–आफ्नो मताधिकारको प्रयोग गर्ने भएका हुन् ।

महोत्तरीका २५८ मतदान स्थल र ४९९ मतदान केन्द्रमा २ लाख १५ हजार १३१ पुरुष, १ लाख ८१ हजार ८९८ महिला र अन्य एक जना गरी कूल ३ लाख ९७ हजार ३० मतदाता कायम भएका छन् ।

उता, सर्लाहीमा भने ३१२ मतदान स्थल र ६०० मतदान केन्द्र निर्धारण गरिएका छन् । जहाँ २ लाख ५९ हजार ४१४ पुरुष, २ लाख १९ हजार ६१४ महिला र १० जना अन्य गरी जम्मा ४ लाख ९७ हजार ३८ मतदाता रहेका छन् ।

त्यस्तै, रौतहटमा २७६ मतदान स्थल र ५२३ मतदान केन्द्रमार्फत २ लाख २७ हजार २२९ पुरुष, १ लाख ८८ हजार २५५ महिला र एक जना अन्य गरी जम्मा ४ लाख १५ हजार ४५५ जनाले आफ्नो मताधिकारको प्रयोग गर्ने भएका छन् ।

बारा जिल्लामा भने ३०५ मतदान स्थल र ५५५ मतदान केन्द्र तोकिएका छन् । यस जिल्लामा २ लाख ३६ हजार ८८० पुरुष, १ लाख ९६ हजार ६१२ महिला र १२ जना अन्य गरी कूल ४ लाख ३३ हजार ५०४ जनाले मतदान गर्न पाउने भएका छन् ।

त्यस्तै, पर्सा जिल्लामा भने १६७ मतदान स्थल र ४१२ मतदान केन्द्रमार्फत १ लाख ९४ हजार ९०४ पुरुष, १ लाख ५१ हजार ८ महिला र १६ अन्य मतदाता गरी कूल ३ लाख ४५ हजार ९२८ जनाले आ–आफ्नो मताधिकारको प्रयोग गर्ने भएका छन् ।

- Advertisement -spot_img

ताजा समाचार

spot_img

थप समाचार

- Advertisement -