एजेन्सी : विश्व स्वास्थ्य संगठन (डब्लुएचओ)ले भारतीय कम्पनी मरिन बायोटेकका दुईवटा कफ सिरप प्रयोग नगर्न सुझाव दिएको छ।
मरीन बायोटेकका दुई मेडिकल उत्पादनहरू (कफ सिरप) गुणस्तर मापदण्ड पूरा नगरेको भन्दै डब्ल्यूएचओले बुधबार मेडिकल चेतावनी दिएको हो।
विश्व स्वास्थ्य सङ्गठनले यी कफ सिरपको बिक्री पूर्ण रूपमा बन्द गर्नसमेत निर्नेशन दिएको छ। यसका लागि प्रभावित देश र क्षेत्रमा आपूर्तिको अनुगमन बढाउनुपर्नेमा उसको जोड छ।
उज्बेकिस्तानले मरिन बायोटेकले दुईवटा कफ सिरपको प्रयोगबाट १९ बालबालिकाको ज्यान गएको आरोप लगाएको छ। यो कम्पनी उत्तरप्रदेशको नोएठामा अवस्थित छ।
डब्लुएचओको वेबसाइटमा भनिएको छ, ‘AMBRONOL सिरप र DOK-1 Max सिरप डिसेम्बर २२, २०२२ मा उज्वेकिस्तानमा पहिचान गरिएको थियो।यी दुवै उत्पादन मरिन बायोटेक प्राइभेट लिमिटेडले उत्पादन गरेको हो। त्यसयता कम्पनीले डब्लूएचओलाई गुणस्तरको कुनै ग्यारेन्टी दिएको छैन।’
उज्वेकिस्तानमा गरिएको अनुसन्धानमा यी कफ सिरपहरूमा डाइथिलिन ग्लाइकोल र इथाइलिन ग्लाइकोलको मात्रा तोकिएको भन्दा बढि पाइएको थियो।
बिहीबार, उत्तर प्रदेशको खाद्य सुरक्षा र औषधि प्रशासनले मरीन बायोटेकको लाइसेन्ससमेत रद्द गरेको छ।
