बारा,१४ माघ । चोरीको चुरोट खरिद गरेको आरोपमा प्रहरीले कलैया उपमहानगरपालिका-३ का वडाध्यक्ष मोहन साह कानुलाई शुक्रबार सोधपुछको लागि नियन्त्रणामा लिएको छ ।
- Advertisement -
प्रहरी उपरीक्षक होविन्द्र बोगटीकाअनुसार चोरीमा संलग्न एक बालक पक्राउ परेपछि उनले दिएको बयानको आधारमा वडाध्यक्षलाई सोधपुछका लागि नियन्त्रणामा लिइएको हो ।
एक लाख मूल्य पर्ने दुई कार्टुन चोरीको चुरोट खरिद गरेको वडाध्यक्षमाथि आरोप छ ।
- Advertisement -
सोधपुछको क्रममा दोषी ठहर भएमा चोरी मुद्दा चलाइने प्रहरी उपरीक्षक बोगटीले बताए । वडाध्यक्ष साहको कलैयामा पसल गोदाम छ । त्यही गोदाममा प्रहरीले छापा मार्दा चुरोट बरामद भएको हो। पक्राउ परेको नाबालकले बयान दिएपछि गोदाममा छापा मारिएको प्रहरीले जनायो ।
