काठमाडाैं,१४ माघ । नेकपा एमालेका उपमहासचिव प्रदीपकुमार ज्ञवालीले एमालेकाे उम्मेदवार नै राष्ट्रपति पदमा निर्वाचित हुने बताउनुभएकाे छ ।
- Advertisement -
शनिबार प्रेस चौतारी पाल्पाले आयोजना गरेको पत्रकार सम्मेलनमा उहाँले यस्ताे बताउनुभएकाे हाे । सत्ता गठबन्धनको तर्फबाट एमालेले राष्ट्रपतिमा उम्मेदवारी दिने र त्यसमा राष्ट्रिय सहमति कायम गर्न नेपाली कांग्रेस पनि सहभागी हुन सक्ने उहाँकाे तर्क छ ।
राष्ट्रिय सहमतिमा राष्ट्रपति चयन गर्न प्रधानमन्त्री पुष्पकमल दाहाल प्रचण्डले कांग्रेसलाई पनि मनाउन सक्ने उहाँकाे भनाइ थियाे । उहाँले कांग्रेसले प्रधान्मन्त्रीलाई विश्वासको मत दिएर धमिलो खोलामा माछा मार्न खोजेको बताउनुभयाे ।
- Advertisement -
पद साट्न र सत्ता मोहकोपछि लाग्दा कांग्रेस असल प्रतिपक्ष समेत बन्न नसकेको उहाँले आरोप लगाउनुभएकाे छ ।
