बीरगन्ज,१८ माघ – जिल्ला प्रहरी कार्यालय पर्साले बीरगन्जमा उद्घाटन गर्ने भनिएको महात्मा गान्धी मार्ग बिरोध गर्ने एक जना पक्राउ गरेको छ । पक्राउ पर्ने बीरगन्ज महानगरपालिका वडा नं. १४ पिप्रा निवासी सुनिल पटेल रहेका छन् । समाजिक सञ्जालमा बिभिन्न किसिमको मार्गको बिषयलाई लिएर टिक्का टिप्पणी गरेका उनलाई साईवर नियम उल्लघंन गरेको भन्दै प्रहरीले पक्राउ गरेको प्रहरीले जनाएको छ ।
बीरगन्जको पिप्रा लिङ्क रोडको नामाकारणको बिषयलाई लिएर बिगत केहि दिन देखि बीरगन्ज समाजिक सञ्जाल लगायतमा बिभिन्न किसिमका टिक्का टिप्पणी हुदै आएको छ । आज बिहानै मात्र रोडमा प्रिपाका केहि युवा तथा स्थानियहरुले बिभिन्न नाराहरु लेखिएको प्ले कार्ड सहित बिरोध प्रदर्शन गरेका छन् ।
भोली १९ गते बिहिवार मधेश प्रदेशका मुख्यमन्त्री सरोज कुमार यादवको प्रमुख आथित्यमा सम्पन्न हुने भनिएको मार्ग उद्घाटन कार्यक्रम स्थगित भएको जिल्ला प्रशासन कार्यालय स्रोतले जनाएको छ । कार्यक्रममा नेपालका लागि भारतका राजदुत नविन श्रीवास्तव पनि आउने कार्यक्रम रहेको थियो । तर अन्तिम समयमा आएर कार्यक्रम स्थगित भएको हो ।
भारतीय दुतावासको सहयोगमा बिभिन्न परियोजनालाई अगाडी बढाउने लक्ष्यका साथ बीरगन्ज महानगरपालिकाले कार्यहरु अगाडी बढाएको भएपनि स्थानिय अगुवा तथा पर्साका बिभिन्न राजनितिक दलका प्रतिनिधिहरुले बिरोध प्रकट गरेपछि कार्यक्रम स्थगित भएको बताइएको छ ।
आज मात्र एकिकृत समाजवादी पार्टीका बीरगन्ज महानगर कमिटिका अध्यक्ष मनोज चौधरीले बिज्ञप्ती जारी गर्दै सो कार्यको बिरोध गरेका थिए । उनले आफ्नो पार्टीको कार्यकर्तालाई प्रहरीले पक्राउ गरेको पुष्टी गर्दै बिना सर्त पटेललाई रिहा गर्न माग गरेका छन् । उनले निर्देष युवाहरुलाई प्रहरी फसाउन खाजे कडा सघर्षमा उत्रिन बाध्य हुने चेतावनी दिएका छन् ।