वीरगन्ज ,६फागुन जीर्ण भइसकेको वीरगन्ज स्थित कृषि औजार कारखानालाइ अन्तत माहाबीरका टिमले वीरगन्ज कृषि औजार संचालनमा ल्याए तर सरकार भने बजेट दिन गरदैछ आनाकानी ।
साे कारखाना बन्द हुनु अगाडि प्राविधीक र कर्मचारी गरि ३२५ जना कार्यरत थिए ।कृषि औजार कारखाना ९ बिघा ११ कट्ठा क्षेत्रफलमा फैलिएको छ ।
सरकारले संचालनको अनुमति र जिम्मा दिएको ५ महिनाकै अवधीमा माहाबीरका टिमले कारखानाको मर्मत सम्भार गरि कृषि औजारहरुको परीक्षण उत्पादन गर्न थालेको छ ।तर नेपाल सरकारसंग भएको सम्झौतामा उल्लेख भए अनुसार, अर्थ मन्त्रालयले अहिले सम्म एक रुपैया पनि बजेट राष्ट्रिय आविस्कार केन्द्रलाई उपलब्ध नगराउदा कारखाना सन्चालनमा समस्या भएको केन्द्रका अध्यक्ष महावीर पुन बताउछन् ।
नेपाल सरकारले जीर्ण अवस्थामा पुगि सकेको कृषि औजार कारखाना , मर्मतसम्भार गरि एक वर्ष भित्र सन्चालन गर्ने जिम्मा राष्ट्रिय आविस्कार केन्द्रलाई दिएको थियो ।कारखानाको मर्मतसम्भार लगायतमा लाग्ने खर्चको रकम नेपाल सरकारले उपलब्ध गराउने पनि सम्झौतामा उल्लेख छ । गत ३१ भदौंको मन्त्रिपरिषदको निर्णय अनुसार गत असोज ११ गते अर्थ मन्त्रालय र महावीर पुन नेतृत्वको आविस्कार केन्द्र बिचको सम्झौतामा कारखाना मर्मत सम्भार गरि केन्द्रले एक वर्ष भित्र सन्चालनमा ल्याउने र १० वर्ष सम्म सन्चालनको जिम्मा केन्द्रलाई नै दिने उल्लख थियो ।तर केन्द्रले जीर्ण कारखाना मर्मत सम्भार गरि सन्चालनको तयारी थालेको ५ महिना बित्न लाग्दा समेत अर्थ मन्त्रालयले भने केन्द्रलाई एक रुपैया पनि बजेट उपलब्ध गराएको छैन ।
केन्द्रका अध्यक्ष महावीर पुनका अनुसार तत्कालका लागि करिब २५ करोड रुपैया आवश्यक रहेको व्यवहोरा सरकारलाई बुझाइ सकेको र २५ लाख रुपैंया जति केन्द्रकाे खर्च भैसकेको छ।