मङ्लबार, बैशाख ४, २०८१
Tue, April 16, 2024

आज – ०४ बैशाख...

मेष मेष (चु, चे, चो, ला, लि, लु, ले, लो, अ) आज सहकर्मीबाट विरोध...

जलवायु परिवर्तनको असर सबैको...

काठमाडौं,०३ वैशाख । वन तथा वातावरणमन्त्री नवलकिशोर साहले जलवायु परिवर्तनको प्रतिकूल असरका विषयमा...

मधेशका मुख्यमन्त्रीले भोलि चौथो...

जनकपुर,०३ वैशाख । मधेश प्रदेशका मुख्यमन्त्री सरोजकुमार यादवले भोलि (मंगलबार) विश्वासको मत लिने...

५८ लाख मूल्य बराबरका...

बीरगन्ज,०३ वैशाख । पर्साबाट प्रहरीले भन्सार छलीका सामानसहित ट्रक नियन्त्रणमा लिएको छ ।...
18.1 C
Kathmandu
26.6 C
Birgunj

माओवादी जता ढल्कियो उतै बन्छ राष्ट्रपति, कुन दलको कति मतभार ?

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौं । अहिले देशको राजनीति नै राष्ट्रपति निर्वाचनको वरिपरि घुमिरहेको छ । दलहरू दिनरात नभनी छलफलमा जुटिरहेका छन् ।

- Advertisement -

सबैको ध्यान आफूले भनेकै व्यक्ति राष्ट्रपति हुनुपर्छ भन्नेमा केन्द्रित छ । राष्ट्रपति निर्वाचनलाई लिएर राजनीतिक समीकरणमा फेरबदलको संकेत समेत देखिन थालेको छ । यस्तो अवस्थामा कसरी चुनिन्छन् राष्ट्रपति ? कुन–कुन दल मिलेमा चुन्न सक्छन् राष्ट्रपति ?

यही फागुन २५ गते राष्ट्रपतिको निर्वाचन हुँदैछ । तर, अहिलेसम्म राजनीतिक दलहरुले उम्मेदवार टुंगो लगाउन सकेका छैनन् । एमालेले आफ्नै राष्ट्रपतिमा जोड दिइरहेको छ । तर, सत्ता घटक माओवादी केन्द्रले भने राष्ट्रपति राष्ट्रिय समहमति अडान छाडेको छैन ।

- Advertisement -

सरकार गठनका बेला निर्णायक भएको माओवादी राष्ट्रपति निर्वाचनमा पनि निर्णायक नै छ । त्यसैले कांग्रेस र एमाले दुबै दल माओवादीलाई साथ लिएर राष्ट्रपति आफ्नो पोल्टामा पार्न भरपुर प्रयत्नमा छन् ।

राष्ट्रपति निर्वाचनमा संघीय संसदका ३ सय ३२ सदस्य र प्रदेश सभाका ५ सय ५० सदस्यले मतदान गर्नेछन् । प्रतिनिधिसभाका दुई सदस्यले भने मतदान गर्न पाउने छैनन् ।

चितवन–२ मा उपनिर्वाचन हुन बाँकी छ भने मनाङबाट निर्वाचित कांग्रेसका सांसद टेकबहादुर गुरूङ निलम्बित छन् । निर्वाचन आयोगले यसपटक चुनावको मतभार २०६८ सालको जनगणनाकै आधारमा गर्ने जनाएको छ ।

२०६८ सालको जनगणनाकै आधारमा गर्ने मतभार हुने भएकाले यसपटक पनि संघीय संसदको मतभार ७९ र प्रदेशसभा सदस्यको मतभार ४८ हुनेछ । राष्ट्रपति निर्वाचित हुन कुनै पनि उम्मेदवारले बहुमत ल्याउनुपर्ने हुन्छ ।

यसपटकको निर्वाचनमा कुल मतभार ५२ हजार ७ सय ७ छ । राष्ट्रपति निर्वाचित हुन उम्मेदवारले यो मतको बहुमत अर्थात् २६ हजार ३ सय १५ मत ल्याउनुपर्नेछ ।

कुन दलको कति मतभार ?

नेपाली कांग्रेस : १६ हजार १ सय ४२
नेकपा एमाले : १५ हजार २ सय ३३
नेकपा माओवादी केन्द्र : ७ हजार ६ सय ४९
नेकपा एकीकृत समाजवादी : २ हजार ५ सय ७४,
राष्ट्रिय प्रजातन्त्र पार्टी : २ हजार ४ सय ५०
जनता समाजवादी पार्टी : २ हजार १ सय ४५
राष्ट्रिय स्वतन्त्र पार्टी : १ हजार ५ सय १
जनमत पार्टी : १ हजार २ सय ४२
लोकतान्त्रिक समाजवादी पार्टी : ९ सय ७१
नागरिक उन्मुक्ति पार्टी : ८ सय १३

राष्ट्रपति निर्वाचनमा सम्भावित समीकरण

सत्ता गठबन्धनको मतभार हेर्दा राष्ट्रपतिमा निर्वाचनमा मतभार पुग्ने देखिन्छ । एमाले र माओवादी केन्द्र एक ठाउँमा उभिँदा मतभार २२ हजार ८ सय ८२ हुन आउँछ । राप्रपा र रास्वपाले साथ दिँदा यो गठबन्धनबाट राष्ट्रपति बन्ने अवस्था छ ।

कांग्रेस र माओवादी एक ठाउँमा हुँदा २३ हजार सात सय ९१ मतभार पुग्छ । यी दुई दललाई एकीकृत समाजवादी पार्टीले मात्र साथ दिए सजिलै राष्ट्रपति पदमा जित हात पार्ने देखिन्छ । माओवादीले एमालेलाई साथ नदिए एमालेले छुट्टै गठबन्धन बनाएर राष्ट्रपति निर्वाचन जित्न असम्भव जस्तै छ ।

एमालेलाई एकीकृत समाजवादी पार्टी, जसपा, राप्रपा, रास्वपा, जनमत पार्टी, नागरिक उन्मुक्ति पार्टी र लोसपाको साथ चाहिन्छ । अर्कोतर्फ कांग्रेसलाई पनि माओवादी केन्द्रबाहेकको गठबन्धन बनाउन कठिन छ ।

यसरी हेर्दा राष्ट्रपति निर्वाचनमा माओवादी केन्द्र नै निर्णायक शक्ति देखिन्छ । माओवादी केन्द्रले जसलाई साथ दिन्छ, त्यतातिर बहुमत पु¥याउन सहज अवस्था बन्ने देखिन्छ ।

Nepal Post Daily

Nepal post daily is Nepal's Leading news website. Contact Person Santosh Sah : 9807184362 Office : 051520040

- Advertisement -spot_img

ताजा समाचार

spot_img

थप समाचार