काठमाडाैँ,१५ फागुन । राष्ट्रिय स्वतन्त्र पार्टी (रास्वपा) ले पुष्पकमल दाहाल प्रचण्ड नेतृत्वको सरकारलाई दिएको समर्थन कामयै राख्ने भएको छ । रास्वपाको सोमबार बसेको केन्द्रीय समितिको बैठकले सरकारलाई समर्थन कायमै राख्ने निर्णय गरेको हो ।
बैठकका निर्णयबारे जानकारी दिँदै सहमहामन्त्री कविन्द्र बुर्लाकोटीले भने, ‘यो संकेत देखेकाले यसअघि सरकारबाट बाहिरिने निर्णय गरेका हौँ । हाम्रो समर्थन कायमै छ ।’
राष्ट्रपति निर्वाचनका विषय पनि छलफल भएको उनले बताए । अझै समय बाँकी भएकाले कुनै निर्णय नगरिएको बुर्लाकोटीको भनाइ छ ।
‘आठ दलीय गठबन्धनबाट पनि सहयोगका लागि आग्रह भएको छ, एमालेले पनि पत्र पठाएरै सहयोग मागेको छ,’ उनले भने, ‘राष्ट्रिय सहमतिका लागि पहल भइरहेको छ । यसमा पछि निर्णय गर्छौँ ।’