बीरगन्ज,१६ चैत – पर्साको बीरगन्ज महानगरपालिका वडा नं. ३१ मिलन चौकबाट प्रहरीले लागु औषध सहित दुई जनालाई पक्राउ गरेको छ । सवारी साधन चेकजाच गर्ने क्रममा ५ किलोग्राम लागु औषध गाँजा सहित उनीहरुलाई पक्राउ गरिएको प्रहरीले जनाएको छ ।
- Advertisement -
मिलन चौक प्रहरी चौकीले चेकजाँच गर्ने क्रममा जितपुरदेखि पश्चिमतर्फ जादै गरेको अटो प्रदेश २–०३–००१ ह २२७ लाई रोकि चेकजाँच गर्दा अटोबाट पाँच किलो लागुऔषध गाँजा सहित चितवन जिल्ला राप्ती नगरपालिका वार्ड नं ११ बस्ने बर्ष २९को बृद्धि राज घलान र अटो चालक पर्सागढि नगरपालिका वडा न ३ का बर्ष ४२ को पासाङ लामा पक्राउ गरिएको हो ।
पक्राउ परेका दुवै जनालाई आवश्यक कारवाहीको लागि जिल्ला प्रहरी कार्यालय बीरगन्जमा पठाइएकोे ईलाका प्रहरी कार्यालय पटेर्वा सुगौली प्रहरी निरिक्षक रामराजा केसरिले बताए ।
