राष्ट्रिय स्वतन्त्र पार्टी (रास्वपा) का सभापति रवि लामिछानेका सवारी चालक दिलबहादुर थापा गम्भीर घाइते भएका छन् ।
सिन्धुपाल्चोकको बाह्रबिसे घर भएका शम्भु भनिने दिलबहादुर थापा राति साढे ३ बजे चितवनको भरतपुरस्थित ३ तले घरको छतबाट खसेका चितवन प्रहरी प्रमुख एसपी रामेश्वर कार्कीले जानकारी दिए ।
छतबाट खसेर उनी गम्भीर घाइते रहेका र टाउको लगायतमा चोट लागेको छ ।
थापाको भरतपुरस्थित कलेज अफ मेडिकल साइन्सेसमा उपचार भइरहेको छ । घटनाबारे विस्तृत अनुसन्धान भइरहेको प्रहरीले जनाएको छ ।