काठमाडौं,९ जेठ – सीके राउत नेतृत्वको जनमत पार्टीले केन्द्रीय समितिको बैठक बोलाएको छ । यही जेठ १२ गते शुक्रबार कोटेश्वरको होटल तपोवनमा बैठक बोलाएको हो ।
- Advertisement -
जनमत पार्टीका नेता बीपी साहका अनुसार बैठकले केन्द्र सरकार र मधेश प्रदेश सरकारलाई दिएको समर्थनबारे छलफल गर्ने बताए । केन्द्र सरकारबाट बाहिरिए पनि जनमतले समर्थन भने फिर्ता लिएको छैन ।
मधेश सरकारमा भने ऊ आफू पनि सहभागी छ । त्यस्तै बैठकमा चुनावी समीक्षा, पार्टी संगठनसम्बन्धी एजेन्डा लगायत समसामयिक राजनीतिक विषयमा छलफल हुने बताइएको छ ।
