काठमाडौं । गत साउन ३ गते त्रिभुवन विमानस्थलबाहिरबाट राजस्व अनुसन्धान विभागले बरामद गरेको अवैध सुनको परिमाण यकिन भएको छ। ब्रेक शुको प्याकेटका रुपमा बरामद गरिएको सुन जोख्दा ६० किलो ७७९ ग्राम निस्किएको हो।
- Advertisement -
नेपाल राष्ट्र बैंकको टक्सार महाशाखामा आज सुन जोखिएको थियो। १ सय ६० वटा ब्रेक शु बरामद भएकोमा त्यसभित्र लुकाइएको सुनको परिमाण भने करिब ६१ किलो पाइएको हो। अब त्यो सुनलाई यिनै निकायका प्रतिनिधिको रोहबरमा भोलि मंगलबार बिहान साढे १० बजे गालिने बताइएको छ ।
यो प्रकरणमा हालसम्म १८ जनालाई पक्राउ गरिएकोमा १७ जना सीआईबीको हिरासतमा छन् भने एक जनालाई हाजिरी जमानतमा रिहा गरिएको छ।
