मङ्लबार, असार ५, २०८१
Tue, June 18, 2024

राहुल गान्धीले छोडेको वायनाड...

४ असार, नयाँदिल्ली । भारतीय नेशनल कांग्रेसका नेता राहुल गान्धीले केरलाको वायनाड सिटबाट...

गृहमन्त्री रवि लामिछानेविरुद्धको रिटमा...

४ असार, काठमाडौं । उपप्रधान तथा गृहमन्त्री रवि लामिछाने विरुद्धको रिटमा आज सर्वोच्च अदालतमा...

प्रतिनिधिसभा बैठक : बजेटमाथिको...

४ असार, काठमाडौं । संघीय संसदअन्तर्गत आज प्रतिनिधि सभाको बैठक बस्दै छ । बिहान ११ बजेका...

लुक्लामा १० दिनदेखि हवाई...

४ असार, सोलुखुम्बु । मौसम प्रतिकूलताका कारण यहाँस्थित तेन्जिङ हिलारी विमानस्थल लुक्लामा हवाई...
23.1 C
Kathmandu
35.1 C
Birgunj

मधेस प्रदेशमा संगठन विस्तार तथा अभिमुखीकरण कार्यक्रम गर्दै जसपा

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौँ,१८ असोज । । जनता समाजवादी पार्टी (जसपा) नेपालले मधेस प्रदेशका आठवटै जिल्लामा सङ्गठन विस्तार अभियान गर्ने भएको छ । मङ्गलबार बसेको मधेस प्रदेश कार्यकारिणी समितिको बैठकले सङ्गठन विस्तार तथा अभिमुखीकरण कार्यक्रमको कार्यतालिका बनाएको जसपाले जनाएको छ ।

- Advertisement -

जसअनुसार सप्तरी जिल्लामा असोज २१ र २२ गते अभिमुखीकरण कार्यक्रम हुने छ । उक्त कार्यक्रम संयोजनको लागि प्रदेश उपाध्यक्ष अरुण कुमार देव र कोषाध्यक्ष रेणुकुमारी यादवलाई तोकिएको छ । असोज २१ र २२ गते हुने सिराहा जिल्लाको अभिमुखीकरण कार्यक्रमको संयोजनको लागि प्रदेश सचिवद्वय शैलेश कुमार साह र निर्मला कुमारी यादवलाई जिम्मेवारी दिइएको छ ।

जसपाले धनुषा जिल्लामा असोज २४ र २५ गते अभिमुखीकरण कार्यक्रम गर्ने भएको छ सो कार्यक्रमको संयोजनको जिम्मेवारी प्रदेश उपाध्यक्ष रामसेवक यादवले गर्ने छन् ।

- Advertisement -

त्यस्तै महोत्तरी जिल्ला र रौतहट जिल्लाको अभिमुखीकरण कार्यक्रम असोज २३ र २४ गते हुने छ । प्रदेश समितिको तर्फबाट कार्यक्रमको संयोजन गर्नको लागि महोत्तरीमा उपाध्यक्ष निरा कुमारी साह र रौतहटमा उपाध्यक्ष ज्ञानेन्द्र कुमार यादवलाई तोकिएको छ ।

सर्लाही जिल्लाको कार्यक्रम असोज २५ गते गरिने भएको छ र उक्त कार्यक्रमको संयोजन गर्ने जिम्मेवारी प्रदेश सचिव पुनित रामले पाएका छन् ।

बारा जिल्लामा असोज २२ र २३ गते गरिने कार्यक्रमको संयोजन प्रदेश उपाध्यक्ष बृजमोहन तिवारीले गर्ने भएका छन् भने पर्सामा असोज २५ र २६ गते अभिमुखीकरण कार्यक्रम गरिने छ र उक्त जिल्लाको कार्यक्रम संयोजनको जिम्मेवारी प्रदेश उपाध्यक्ष सुशिल कुमार यादवलाई तोकिएको छ ।

साथै बैठकले पर्सा जिल्लाको असोज १० गते गरिएको भनिएको पुनर्गठन विधान विपरित भएको ठहर गरेको छ । साथै उक्त समस्या समाधानका लागि प्रदेश अध्यक्ष रामबाबु कुमार यादव, प्रदेश उपाध्यक्षद्वय रामपृत पासवान र सुशिल कुमार यादव, मुख्य सचिव दिनेश कुमार यादव र सचिव युसुफ अली रहेको कार्यदल गठन गरिएको छ ।

बैठकले दोहोरो जिम्मेवारीमा रहेका प्रदेश पदाधिकारी तथा सदस्यहरुसँग समन्वय गरी एक पद वा एक जिम्मेवारी दिने निर्णय समेत गरेको जसपाले जनाएको छ ।

- Advertisement -spot_img

ताजा समाचार

spot_img

थप समाचार