जनकपुर,१८ असोज । सर्लाहीको सदरमुकाम मलंगवामा बिहिवार हुने भनिएको सद्भाव र्याली स्थगित भएको छ । आजको यो र्यालीमा गृहमन्त्री नारायणकाजी श्रेष्ठ पनि उपस्थिति हुने कार्यक्रम थियो ।
सर्लाहीका प्रमुख जिल्ला अधिकारी ईन्द्रदेव यादवका अनुसार गृहमन्त्रीको व्यस्थताका कारण आजको लागि निर्धारित सद्भाव र्याली स्थगित गरिएको हो ।
यादवका अनुसार सर्वपक्षीय बैठकको निर्णयअनुसार बिहिवारका लागि गृहमन्त्रीको समुपस्थित मलंगवामा बृहत् सद्भाव र्याली निकाल्ने तयारी गरिएको थियो । यद्यपि गृहमन्त्रीको कार्य व्यस्तताका कारण अर्को सूचना जारी नहुञ्जेलसम्मको लागि सद्भाव र्याली स्थगित गरिएको छ ।
दुई साताअघि मलंगवामा सामाजिक सद्भाव बिथोलिने प्रकारका गतिविधि बढेपछि जिप्रकाले कर्फ्यू आदेश जारी गरेको थियो ।
उक्त कर्फ्यु आदेश हटाएपछि स्थानीय प्रशासनले सर्वदलिय बैठकको निर्णअनुसार बिहिवारका लागि गृहमन्त्रीको समेत उपस्थितिमा सद्भाव र्याली आयोजना गर्ने निर्णय गरेको थियो ।
