बीरगन्ज, १६ चैत । बारामा १ जना सुस्त मनस्थितिकी बालिकालाई करणी गरेको आरोपमा १ जना पक्राउ परेका छन् ।पक्राउ पर्नेमा कोहलवी नगरपालिका बडा नं. ८, नयाँ बस्तीका ३० वर्षीया प्रकाश कार्की रहेका छन् ।
बारा जिल्ला अदालतमा कार्कीविरूद्ध जबरजस्ती करणीकाे मुद्दा दर्ता भएको हो ।
बारा जिल्ला अदालतबाट अनुमति लिएर कार्कीविरूद्ध थप अनुसन्धान अघि बढाइएको बाराका प्रवक्ता डीएसपी दधिराम न्यौपानेले जनाए । सोही वडा निवासी एक सुस्त मनस्थिति बालिकालाई कार्कीले चैत ८ गते राति ८ बजे अपहरण गरी दुर्ई दिनसम्म राखेको पीडित परिवारको आरोप छ ।

पीडित बालिकाको स्वास्थ्य परीक्षण समेत भइसकेको प्रहरीले जनाएको छ । बालिकालाई सुरूमा कलैयास्थित महिला बालबालिका सेवा केन्द्रमा लागिएको थियो ।