बुधबार, जेष्ठ ९, २०८१
Wed, May 22, 2024

क्यानडामा पर्यटन प्रवर्द्धन कार्यक्रम

९ जेठ, काठमाडौं । आर्थिक कूटनीति सञ्चालनको सिलसिलामा क्यानडाको एडमन्टन सहरमा पर्यटन प्रवर्द्धन...

जोमसोम–कागबेनी सडक कालोपत्र गरिँदै

९ जेठ, म्याग्दी । मुस्ताङको सदरमुकाम जोमसोमदेखि धार्मिक पर्यटकीयस्थल वारागुुङ मुक्तिक्षेत्र गाउँपालिकाको केन्द्र...

कांग्रेस केन्द्रीय कार्यसमिति र...

९ जेठ, काठमाडौं । प्रमुख प्रतिपक्षी नेपाली कांग्रेस केन्द्रीय कार्यसमिति र पार्टीको संसदीय...

कस्तो छ आजको मौसम...

काठमाडौँ । हाल नेपालमा स्थानीय वायु, पश्चिमी वायु र विहार आसपास रहेको न्युनचापीय...
21.1 C
Kathmandu
32.5 C
Birgunj

पोखरामा प्रदुषण उच्चः उडान ठप्प, अनावश्यक घर बाहिर ननिस्किन चिकित्सकको सुझाव

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

पोखरा । दैनिक ३३ फ्लाइटसम्म हुने पोखरा अन्तर्राष्ट्रिय विमानस्थलबाट आजभोलि प्राय: फ्लाइट क्यान्सिल भएका छन् । शनिवार एउटा पनि उडान भएन ।

- Advertisement -

आइतबार दिउँसो १ बजेदेखि एयरपोर्ट खुले पनि नियमित उडान हुन सकेन । आज पनि अहिलेसम्म एयरपोर्ट खुलेको छैन । शुक्रबार दिनभर विमानस्थल बन्द रह्यो ।

केही दिनयता पोखराको वायुमण्डल धुम्मिएको छ । जसका कारण विमान उडाउन चाहिने भिजिबिलिटी छैन । विमानस्थलको हेल्पडेक्सले शनिबार एक हजार मिटरमात्र भिजिबिलिटी रहेको देखाएको थियो ।

- Advertisement -

भिजिबिलिटी कम भएका कारण पोखराबाट जहाज उड्न नसकेको महाप्रबन्धक नवीना कर्माचार्यले बताइन् । `आउन मिल्छ तर यताबाट उड्न मिलेको छैन,´ उनले भनिन्, `पछिल्ला केही दिन एयरपोर्ट बन्दजस्तै छ ।´ पोखराबाट काठमाडौँ, भैरहवा, भरतपुर, नेपालगञ्ज, मुस्ताङ लगायत ठाउँमा उडान हुँदै आएको छ ।

अन्तर्राष्ट्रिय वायु जाँच संस्था ‘आइक्युएयर’को तथ्याङ्कले पनि पोखरामा प्रदूषणको दर उच्च देखाएको छ । वायुको गुणस्तर एयर क्वालिटी इन्डेक्स (एक्वुआई) अनुसार आइतबार यहाँको वायु गुणस्तर १५६ रहेको छ । शनिबार यो तथ्याङ्क १८९ पुगेको थियो । अहिले पोखराको हावा निकै नै अस्वस्थकर रहेको उक्त विवरणले देखाएको छ ।

सामान्यतः एक्वुआई ५० सम्म हुनु राम्रो हो । ५० देखि १ सयसम्मलाई मध्यम मानिन्छ भने १ सय ५० सम्म पुग्दा संवेदनशील ठानिन्छ । त्यसपछि २०० सम्म अस्वस्थ र ३०० पुगेपछि जोखिमपूर्ण हुने संकेत गर्छ ।

पृथ्वीनारायण क्याम्पसका प्राध्यापक जीवन रेग्मी लामो समय पानी नपरेकै कारण प्रदूषण अत्यधिक भएको बताउँछन् । `लामो समयसम्म पानी नपर्नु वायु प्रदूषणको प्रमुख कारण हो । वनमा लगातार आगलागी भइरहेको छ,´ उनले भने, `पोखराको अहिलेको प्रदूषण स्वास्थ्यका लागि धेरै खराब छ । संवेदनशील हुनुपर्छ ।´ उनका अनुसार तत्कालको समस्या समाधानको लागि पानी पर्नु अनिवार्य छ ।

`खडेरी परेको ६ महिना भयो । पानी परेको छैन, ठुलो खालको हावाहुरी पनि चलेको छैन,´ उनी भन्छन्, `अहिलेको समाधान भनेको पानी पर्नुपर्छ । नभए पनि ठुलो हावा चल्नुपर्छ ।´ पुराना गाडीबाट निस्किने धुवाँको मुस्लो, सडक निर्माणको क्रममा उड्ने धुलोसँगै अहिले आगलागीका घटनाले प्रदूषण बढाएको हो । यस्तै, भारतका धेरै भागबाट आउने हावाले पनि फोहोर बोकेर ल्याउने रेग्मीले सुनाए ।

दीर्घकालीन समाधानका लागि स्थानीय स्तरमा जनचेतनासँगै नीति नियमको कार्यान्वयनलाई कडाइ गर्नुपर्ने उनले बताए । `नीतिगत रूपमा स्थानीय तहबाटै जनचेतना चाहिन्छ । दुख पाएपछि मात्र आत्तिने चलन छ,´ उनले भने, `डढेलो लगाउने प्रवृत्ति दण्डनीय अपराध हो भन्ने बुझाई हुनुपर्छ । नियमन आवश्यक छ ।´

अहिले पोखराका अस्पतालहरूमा आँखा र श्वासप्रश्वासका बिरामी बढेका छन् भने अत्यावश्यक काम बाहेक बाहिर ननिस्किन चिकित्सकहरूले सुझाएका छन् ।

Nepal Post Daily

Nepal post daily is Nepal's Leading news website. Contact Person Santosh Sah : 9807184362 Office : 051520040

- Advertisement -spot_img

ताजा समाचार

spot_img

थप समाचार