वीरगंज,१७ बैशाख प्रतिनिधीसभाका स्वतन्त्र सांसद अमरेश कुमार सिंहले प्रधानमन्त्री पुष्पकमल दाहाल प्रचण्ड जेल जाने ठोकुवा गरेका छन् । उनले अहिले संविधान समाप्त भएको खण्डमा हुनलाई जेलमा हालिने दावी गरे । वीरगंजको दियालो लड्समा आयोजित पत्रकार सम्मेलनमा सांसद सिंहले नेकपा माओवादी केन्द्रका अध्यक्ष समेत रहेका प्रचण्डमाथि द्वन्द्धकालका ३ सय भन्दा बढी मुद्धा रहेको बताउँदै यदि संविधान समाप्त भएमा प्रचण्ड जेल जाने निश्चित रहेको दावी गरे ।
उनले विदेशी शक्तिहरुको इशारा र निर्देशनमा अहिले नेपालको संविधानमाथि प्रहारपनि भइरहेको बताए ।संविधानका मुख्य चारवटै आधारस्तम्भ धर्मनिरपेक्षा,गणतन्त्र,संघीयता र समावेशीतामाथि प्रहार भइरहेको उनले बताए। धर्मनिरपेक्षता माथि विदेशीहरुको इशारामा हिन्दूवादीबाट,गणतन्त्रमाथि पूर्वराजा र राजवादीबाट तथा संघीयता र समावेशीतामाथि यहिका दल र सरकारबाट प्रहार भइरहेको उनले बताए ।
उनले सरकार बिदेशीहरुलाई इशारा चलेको दावी गर्दै धार्मिक गतिबिधीको नाममा मधेशमा समप्रदायिक दंगा गराउने खेल भइरहेको दावी गरे । तराईमा बिभिन्न धार्मिक अतिवादी संस्थाहरुलाई धार्मिक झण्डा बोकेर दिनहुँ गरी रहेको कार्यक्रम त्यसको उदाहरण भएको सांसद सिहले बताए ।

साथै पत्रकारहरुसँग कुराकानी गर्दै सिंह प्रधानमन्त्री कार्यालय प्रचण्डका आसेपासको कब्जामा रहेको आरोपपनि लगाए । नेपालको राजनीतिमा अहिले परिवारिकरण, व्यपारीकरण र भ्रष्टीकरण हाबी भएको भन्दै उनले राजनीति सेवा भावका रुपमा नभई व्यपारका रुपमा फस्टाएको टिप्पणी गरे ।
उनले देश अहिले २० जना बिचौलीयाहरुले मात्रै देश चलाइरहेका कारण मुलुकको अर्थतन्त्र धराशायी भएको बताए । उनले भने,‘ अहिले साधरण खर्चपनि विदेशी ऋण मागेर भइरहेको छ । जब साधरण खर्च नै विदेशी ऋणमा चलिरहेको छ भने यत्तिले नै पुष्टी हुन्छ कि देशको अर्थतन्त्र कत्ति जर्जर अवस्थामा पुगेको छ । सरकार चलाउने नेताहरु बिदेशीहरु दलाली गरी रहेको बताउँदै उनले आफु संविधानको पक्षधर रहेको कारण हिन्दु राष्ट्रको पक्ष नरहेको स्पष्ट पारे ।