४ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ले जेठ ७ गते विश्वासको मत लिने भएका छन् । प्रधानमन्त्री प्रचण्डले विश्वासको मत लिनेबारे सभामुख देवराज घिमिरेलाई बिहीबार साँझ जानकारी गराएको सभामुखको सचिवालयले जनाएको छ ।
- Advertisement -
योसँगै प्रधानमन्त्री प्रचण्डले चौथो पटक विश्वासको मत लिन लागेका हुन् । प्रधानमन्त्री प्रचण्डले संविधानको धारा १०० को उपधारा (२) अनुसार विश्वासको मत लिन लागेका हुन् । जनता समाजवादी पार्टी नेपालले यही वैशाख ३१ गते सरकारलाई दिएको समर्थन फिर्ता लिएको थियो ।
