वीरगञ्ज । वीरगञ्ज महानगरपालिका वडा नम्बर १३ राधेमाईस्थित साउथ जोन माविमा कक्षाकोठा सजावट प्रतियोगीता सम्पन्न भएको छ । पाँच वटा समूहमा विभाजित प्रतियोगीताअन्र्तगत समूह ए अन्र्तगत युकेजी सी प्रथम भएको छ । युकेजी बि द्वितिय हुँदा नर्सरी बि तृतिय भएको छ ।
समूह बि अन्र्तगत कक्षा १ देखि ३ सम्मका विद्यार्थी थिए । जसमा कक्षा ३ (बि) प्रथम भएको छ भने कक्षा १ (ए) र २ (ए) क्रमशः द्वितिय र तृतिय भएका छन् ।
समूह सि अन्र्तगत कक्षा ६ (डि) प्रथम भएको छ । ६ (बि) र ५ (सि) द्वितिय भएका छन् भने ४ (बि) तृतिय भएको छ ।
समूह डि अन्र्तगत कक्षा ८ (ए) प्रथम भएको छ । कक्षा ७ (बि) र ८ (सि) द्वितिय भएका छन् भने कक्षा ७ (ए) तृतिय भएको साउथ जोन माविका सहायक प्रधानाध्यापक अशोक संग्रौलाले जानकारी दिए ।
उनकाअनुसार समूह ई बाट कक्षा ९ (सि) प्रथम भएको छ ।
कक्षा ९ (ए) द्वितिय हुँदा कक्षा १० (सि) तृतिय भएको छ । प्रतियोगीतामा कलाकार तथा चित्रकार मुकेश महतो र सञ्चारकर्मी सूर्यनारायण वि.क.ले निर्णायकको भूमिका निर्वाह गरेका थिए ।
विद्यार्थीले उत्साहीत भएर कक्षाकोठाको सजावट गरेको निर्णायक मुकेश महतोले बताए । उनकाअनुसार प्रतिस्पर्धा अत्यन्तै कडा थियो । जसमध्ये थोरै अंकका आधारमा विजेता र उपविजेता बनाइएको छ ।
विद्यार्थीहरुले आफुले पढ्ने विषयवस्तुसँगै इतिहास, विज्ञान तथा कला संस्कृति परम्परागत विषयलाई प्राथमिकता दिएको अर्का निर्णायक सूर्यनारायण वि.क ले बताए ।
छोटो समयमा मेहनत गरेर विद्यार्थीले कक्षाकोठा सजाएको विद्यालयका प्रधानाध्यापक सरोज चौधरीको भनाई छ । उनले भने, ‘एकदम थोरै समयमा विद्यार्थीहरुले बनाएका हुन् । यो प्रतियोगीताका लागि विद्यार्थीहरु एकदमै उत्साहित थिए । यसले उनीहरुलाई आफ्नो घरको कोठा सजाउन पनि सघाउ पुग्ने र पछि गएर आर्किटेक डिजाइनर बन्न पनि प्रेरित मिल्ने विश्वास लिएको छु ।’
