काठमाडाैँ,१८ जेठ । चिनियाँ अटो निर्माता डोङफेङ मातहतको ईभी ब्राण्ड नामीको नयाँ इलेक्ट्रिक कार नेपाली बजारमा भित्रिएको छ ।
नेपालका लागी आधिकारिक वितरक एमएडब्लु वृद्धि अटो कर्पले नामीको ०१ मोडल भित्र्याएको हो । कम्पनीले यसअघि नै भन्सार प्रायोजनका लागी कारको अधिकतम खुद्रा मूल्य सार्वजनिक गरिसकेको छ । जसअनुसार नामी–०१ को मूल्य ३९ लाख ९९ हजार तोकिएको कमपनीले जनाएको छ ।
यस नयाँ ह्याचब्याक कारमा ४२.३ किलोवाट आवरको ब्याट्री प्याक जडान गरिएको छ, जसलाई एकपटक फुल चार्ज गर्दा ४३० किलोमिटर यात्रा गर्न सकिने दावी छ । ४०० भोल्टको फास्ट चार्जर सपोर्ट गर्ने नामी–०१ लाई ८ मिनेट चार्ज गर्दा २०० किलोमिटर रेन्ज पाउन सकिने जनाइएको छ ।

फ्रन्ट ह्विल ड्राइभ दिइएको सो नयाँ ईभीमा ७० किलोवाट क्षमताको मोटर जडान गरिएको छ । यसले १४० किलोमिटर प्रतिघण्टाको उच्च गति दिने कम्पनीको भनाई छ ।