बिहिबार, असार ७, २०८१
Thu, June 20, 2024

सांसदहरूले निरन्तर दबाब दिए...

बीरगन्ज,०५ असार । स्वास्थ्य तथा जनसंख्यामन्त्री प्रदीप यादवले स्वास्थ्य जनशक्ति थप गर्नका लागि...

बारा प्रहरीद्वारा २७० केजी...

बीरगन्ज,०५ असार । बारा प्रहरीले २७० केजी गाँजा बोकेको गाडी सहित एकजना भारतीयलाई...

सिरहामा चिरपट प्रहारबाट एक...

जनकपुर,०५ असार । सिरहामा मामाको छोराले चिरपट प्रहार गर्दा फुपूको छोराको मृत्यु भएको...

शुक्रबारदेखि मेलम्ची खानेपानी बन्द...

काठमाडौँ,०५ असार । मेलम्ची खानेपानी विकास समितिले बर्खायाममा मेलम्ची नदीमा पानीको बहाव बढ्दा...
24.1 C
Kathmandu
32.3 C
Birgunj

डाक्टरको जहाँ सरूवा भएको छ त्यहाँ जानै पर्छ,अब कुनै पावर चल्दैन : स्वास्थ्यमन्त्री यादव

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

काठमाडौं,२८ जेठ । स्वास्थ्य तथा जनसंख्यामन्त्री प्रदीप यादवले चिकित्सकहरूलाई दुर्गम क्षेत्रमा सरुवा गर्न खोज्दा आफूमाथि ठूलो दवाव आउने गरेको बताएका छन् । सरुवा गरिएको ठाउँमा जानुभन्दा पनि शक्तिको दुरुपयोग गरेर सुगम र शहरहरूमा बस्न चिकित्सकले पावर लगाउने गरेको र पावरले विभागीय मन्त्रीलाई थर्काउने गरेको मन्त्री यादवको भनाइ छ ।

- Advertisement -

प्रतिनिधिसभाको शिक्षा, स्वास्थ्य तथा सूचना प्रविधि समितिको सोमबारको बैठकमा मन्त्री यादवले चिकित्सकहरूलाई दुर्गम क्षेत्रमा पठाउने विषयमा मन्त्री मात्र नभएर राज्य गम्भीर हुनुपर्ने बताए । दुर्गम र गाउँमा सरुवा भएका चिकित्सकले त्यहाँ हाजिर हुनैपर्ने व्यवस्था बनाउन आवश्यक भएको उनले बताए ।

मन्त्री यादवले भने, ‘पायक पर्ने ठाउँको लागि यस्तो पावर आउँछ, कुर्सी हल्लिन्छ । कुनै पावर चल्दैन, मानिदैन भन्दा पनि व्यवहारिक रूपमा काम गर्न गाह्रो देखियो । तर, जहाँ सरूवा भएको छ त्यहाँ हाजिर हुनैपर्छ । सबैलाई सुगम चाहियो भने गाउँमा कसले हेर्छ ? त्यसैले यसमा म गम्भीर छु ।’

- Advertisement -

दुर्गममा अस्पताल भवन भएको तर डाक्टर नभएको आफूले पाएको मन्त्री यादवको भनाइ छ । भवन निर्माण हुने तर स्वास्थ्य उपचार गर्ने उपकरण र औजार नभएको तर त्यसको जिम्मेवारी कसले लिने भन्ने यकीन नरहेको पनि उनले बताए । अस्पताल भवन छन् तर डाक्टर छैनन्, उपचार गर्ने उपकरण छैनन् । त्यसको जिम्मा कसले लिने ? संघले सबै पठाउने, प्रदेश र स्थानीय तहले हेरचाह पनि नगरिदिने अवस्था छ, उनले भने ।

स्वास्थ्य क्षेत्रमा रहेका बेथिति अन्त्य गर्नका लागि मन्त्रालय गम्भीर रहेको उनले देशमा तीन तहमा सरकार रहेको तर सबैले आफ्नो काम नगरेको बताए । बागमती प्रदेशको स्वास्थ्य ऐन छैन, अस्पतालको नवीकरण रोकिएको छ, इजाजत रोकिएको छ,’ मन्त्री यादवले भने ।

धेरै अस्पतालमा उपकरणहरूमा मुसाले घर बनाएको मन्त्री यादवले बताए । आवश्यकता रहको ठाउँमा उपकरण नपुगेको तर अनावश्यक ठाउँमा उपकरण पठाएर प्रयोग विहीन बनाइएको पाइएको मन्त्री यादवले बताए । वीर अस्पतालमा एउटै बेडमा दुईजना बिरामी राखेको, महिला र पुरुष बिरामी एउटै ठाउँमा राखेको पाइएको मन्त्री यादवले बताए ।

उनले भने ‘स्वास्थ्य बिमा र औषधि निशुल्क भनेको छ, तर बिरामीले पाइरहेको छैन, निशुल्क औषधि पाइरहेको छैन, कारण के हो ? अध्ययन गर्न जरूरी छ । उद्योगहरूको अनुगमन गर्ने, गुणस्तर जाँच गर्ने, तर प्रयोगशाला जाँच्न लायक छैन । जनशक्तिको धेरै ठूलो अभाव छ । जनशक्ति थप्ने पहिलो निर्णय नै गरेको छु । जनशक्ति थपेन भने अस्पतालको अवस्था जटिल बन्न सक्छ ।’ मन्त्रालयले गलत काम गर्नेहरूलाई कारबाही गर्ने पनि मन्त्री यादवले बताए ।

- Advertisement -spot_img

ताजा समाचार

spot_img

थप समाचार