वीरगन्ज,१० साउन । बीरगन्जबाट २ करोड मूल्य बराबरको भन्सार छलीका सामान सहित सवारी साधन प्रहरीले नियन्त्रणमा लिएको छ । १ करोड ८२ लाख ६ हजार ४ सय ३८ मूल्य बराबरको भन्सार छलीका सामानसहित २ वटा ट्रक प्रहरीले नियन्त्रणमा लिएको हो ।
विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले वीरगन्ज महानगरपालिका– २५ ड्राइपोट क्षेत्रबाट २ वटा ट्रकहरु नियन्त्रणमा लिएको प्रहरी प्रवक्ता डिएसपी दीपक भारतीले जनाएको छ ।
सवारी साधान चेकजाँचका क्रममा ना. ५ ख २९९२ नम्बरको ट्रक र अर्को ना. ३ ख ७७२७ नम्बरको ट्रकबाट किराना सामान काजु, ज्वानो र इलेक्ट्रनिक्स सामानहरु लोड रहेको अवस्थामा बरामद गरी सामान सहित ट्रक नियन्त्रणमा लिएको डिएसपी भारतीले जानकारी दिए ।
बरामद सामान तथा सवारी साधानलाई आवश्यक कारबाहीको लागि राजश्व अनुसन्धान कार्याल पथलैयामा बुझाइएको प्रहरीले जनाएको छ ।
