नेपाल पाेष्टको सदस्यता, सदस्य बन्न पहिले subscribe गर्नुस्।
वीरगंज,१५ साउन – तस्करीमा शुन्य सहनशिलता रहेको भन्दै चर्चा कमाई रहेका जिल्ला प्रहरी कार्यालय पर्सा तथा सशस्त्र प्रहरी गुल्म १३ गण सहित स्थानिय स्तरमा रहेका दुवै संगठनका युनिटहरुको मिलोमतोमा पर्सामा भारी तस्करी भइरहेको छ । वीरगंजको अलौ–सिर्सिया,कोनिया,पंटोका,ड्राईपोर्ट नाका सहित पश्चिमी ग्रामिण इलाकाका अमरपट्टी,प्रसौनीभाठा,धोरे,सवैठवा,असवारी,जानकीटोला,पाण्डेपुर,धुमाटार–हुमाटार नाकाहरुबाट दुबै संगठनले मोटो रकम नजराना खाएर तस्करीको लाइन दिइएको स्रोतको दावी छ ।
सदरमुकाममा तस्करी पूर्णरुपमा बन्द रहेको ढोल पिटदै आएका दुबै संगठनका अधिकारीहरुले कंबल ओढेर घ्यु खान तल्लिनछन् । वीरगंजको औली–सिर्सिया कोनिया,पंटोका,ड्राईपोर्ट क्षेत्रबाट बिनोद,अनिल,संदिप र पंडीजीले काजु र रेडबुलको लाइन पाएका छन् । उनीहरुले ४ बटा मोटर साईलले सिमामा तस्करीका सहित निर्धक ओहोरदोहोर गरी रहेका छन् ।
त्यसैगरी कोनियाबाट पर्साका चर्चित कपडा तस्कर बैजनाथ यादव अहिले भैसीको तस्करीको सेटिङ्ग मिलाई भैसी बोक्ने पिकअपमा कपडा,रजनिगंधा र राजनिवासको पनि तस्करी गरी रहेका छन् । सो बापत उनले प्रहरी प्रशासनलाई मोटो रकम बुझाएका छन् । त्यसैगरी बैजु, प्रदिप, अशोकले छोहरा,रेडबुल,किराना र पनिरको मसाला लगायतको समानहरु वारपार गरी रहेका छन् । उनीको टिमको ४/४ बटा गरी १२ वटा साईकल चली रहेका छन् ।
अलौ नाकाबाट नै कुख्यात कवाड तस्कर भारतीय नागरिक जयप्रकाशले पुरानो बैट्रीको भारत तर्फ तस्करी गरी रहेका छन् । अर्का तस्कर जलालोदिनले पनि बैट्रीको तस्करी गरी रहेका छन् । तिलावे बर्वा क्षेत्रबाट संदिप चौरसियाले पेष्ट,कस्मेटिक,दाल लगायतको समाग्रीको तस्करी भइरहेको स्रोतले बताएको छ । उनलाई पनि प्रहरीले रकम खाएर लाइन दिएको स्रोतको दावी छ ।
त्यसैगरी, अमरपट्टी नाकाबाट कुखुराको चल्ला,किराना आईटम,कबाड,औषधीजन्य समाग्री र कपडाको तस्करी खुल्लेयाम चली रहेको छ । अर्को नाका प्रसौनीभाठाबाट कपडा,काजु,किराना आईटम,भैसी,छाला,घरेलु तथा सिल प्याक मदिराको खुल्लेयाम तस्करी भइरहेको छ । प्रसौनी गाउँमै ५ वटा घरेलु मदिरा भठ्ठी संचालनमा रहेको छ । जसलाई प्रहरीले नजरा बुझी मौखिक लाईसेन्स वाडे झै संचालन गर्न छुट दिएको छ । धोरे नाकाबाट पनि किराना आईटम र साईकलमा धान लागयतको तस्करी भईरहेको छ । त्यसैगरी सवैठवा नाकाबाट बैला भन्ने सत्रुधनले कपडा तस्करीको लाइन पाएका छन् । उनले तीन वटा मोटर साईकल प्रयोग गरी तस्करीलाई अन्जाम दिइ रहेका छन् ।
असवारी नाकाबाट भैसी र कुखुरा चल्लाको तस्करीका भइरहेको छ । अर्को तस्करीको लागि चर्चित नाका जानकीटोला सिमामा किराना,भैसी,मिठा,चामल,प्याज, आलु र टिना तेल लगायतको तस्करी भइरहेको छ । पाण्डेपुर नाकामा भारतीय कुख्यात तस्कर महादेव यादवलाई भैसीको लाइन प्रहरीले दिइएको छ । त्यसैगरी धुमाटार हुमाटार नाकाबाट भैसी तस्करीकै लागि सिन्धुपाल चौकका हरि सिल्वालले लाइन पाएका छन् । तस्करी खुल्लेयाम भइरहेको तथा दुवै प्रहरी संगठनले मोटो रकम मासिक नजराना पाइरहेको स्रोतको दावी छ ।
तर पर्सामा तस्करी भइहरेको बिषयमा प्रतिक्रिया लिदा पर्सा प्रहरीका प्रवक्ता प्रहरी नायब उपरीक्षक दिपक भारतीले सिमामा तस्करी शुन्य रहेको तथा लुकी छिपी रुपमा भन्सार छली गरी नेपाल भित्रयाइएका समाग्री प्रहरीले दिनहु समाति रहेको बताए । उनले केही दिन अघि मात्र पर्साका प्रहरी प्रमुख कुमोद ढुङ्गेलले संगठनका सबै युनिट प्रमुखसँग बैठक गरी तस्करी चोरी निकासीमा शुन्य सहनशिलता अपनाउँन निर्देशन दिएको बताए । यता सशस्त्र प्रहरी वल १३ गण हेडक्वाटर पर्साका गणपती राधेश्याम धिमालले तस्करी नियन्त्रण तर्फ सिमा सुरक्षा बल गम्भीर रहेको बताए । उनले ग्रामिण इलाकामा तस्करी भइरहेको कुराको बारे युनिटसँग जानकारी लिने र दोषी देखिए कारवाही गर्ने बताए ।