सुर्खेत, १६ साउन । डोल्पाबाट बिरामी लिएर नेपालगन्ज लागि उडेको हेलिकप्टर सुर्खेतको एक धान खेतमा आकस्मिक अवतरण गरेको छ ।
- Advertisement -
डोल्पाबाट उडेको उक्त हेलिकप्टर मौसम खराबीका कारण सुर्खेतको लेकबेशी नगरपालिका–६, को रामघाट नजिकैको धान खेतमा अवतरण भएको हो ।
प्रहरीका अनुसार सशस्त्र प्रहरी सहायक निरीक्षक नरबहादुर बिसी बिरामी भएपछि हेलिकप्टर नेपालगन्ज लिन लागिएको थियो । यद्यपि हेलिकप्टर सहज रूपमा अवतरण गरेको र ठुलो दुर्घटना हुनबाट बचेको जिल्ला प्रहरी कार्यालय सुर्खेतका प्रवक्ता वीरेन्द्रवीर विश्वकर्माले जानकारी दिए ।
