काठमाडौं,१७ साउन । सेयर बजारले २८०० अंक नाघेको छ । बिहीबार कारोबार भइहरँदा नेप्से परिसूचक २८०२ अंक कायम भएको छ ।
- Advertisement -
बेलासम्म ८ अर्ब ४४ करोडको कारोबार भएको छ । १५८ कम्पनीको मूल्य बढेको छ भने ७८ को घटेको छ । त्यस्तै ५ कम्पनी स्थिर रहेका छन् ।
बिहीबार मध्यान्हसम्म बीमा सेक्टरले बजारमा नेतृत्व गरेको छ । जीवन बीमा समूह सबैभन्दा धेरै ५.८९ प्रतिशत बढेको छ । त्यस्तै लगानी समूह ४.२८ तथा निर्जीवन बीमा समूह ४.३१ प्रतिशत बढेको छ । हाइड्रोपावर समूह १ प्रतिशतमुनि रातो देखिएको छ ।
- Advertisement -
सिटी होटल, कुथेली बुकरी स्मल हाइड्रोपावर, श्रीइन्भेस्टमेन्ट फाइनान्सको मूल्य १० प्रतिशत बढेको छ । कारोबार रकमका आधारमा हिमालयन रिइन्स्योरेन्स, एचआईडीसीएल, प्रोग्रेसिभ फाइनान्स, सीईडीबी हाइड्रोपावर तथा निफ्रा क्रमशः अगाडि छन् ।
