काठमाडौँ,०७ भदाै । बंगलादेशको अन्तरिम सरकारले अपदस्थ प्रधानमन्त्री शेख हसिनाको कूटनीतिक राहदानी रद्द गरेको छ। हसिनासहित पूर्वमन्त्री र पूर्वसांसदको राहदानी रद्दको प्रक्रिया अघि बढाउने सरकारले विज्ञप्तिमा बताएको छ ।
‘पूर्वप्रधानमन्त्री, उनका सल्लाहकार, पूर्वमन्त्रिपरिषद र विघटन भएको संसद्का सबै सदस्य आफ्नो पदका आधारमा कूटनीतिक राहदानीका लागि योग्य थिए’, गृह मन्त्रालयले विज्ञप्तिमा भनेको छ, ‘यदि उनीहरूलाई पदबाट हटाइएको छ भने उनीहरू र उनीहरूको पति/पत्नीको कूटनीतिक राहदानी रद्द गरिनुपर्छ।’
हसिना र उनको कार्यकालमा अन्य पूर्व शीर्ष अधिकारीहरूले मानक राहदानीका लागि आवेदन दिनसक्ने तर ती कागजातहरू स्वीकृतिमा निर्भर रहने ढाकाका नयाँ अधिकारीहरूले बताएका छन्।
‘उपर्युक्त व्यक्तिहरूले सामान्य राहदानीका लागि नयाँ आवदेन दिँदा दुईवटा सुरक्षा निकायले उनीहरूको राहदानी जारी गर्नका लागि निवेदनलाई मञ्जुरी दिनुपर्छ’, मन्त्रालयले भनेको छ।
हसिना सरकारबाट बाहिरिनुअघि को विरोधमा भएको प्रदर्शनमा ४५० भन्दा बढीको मृत्यु भएको थियो। उनीमाथि गैरन्यायिक हत्या गरेको र राजनीतिक विरोधीलाई अनावश्यकरूपमा हिरासतमा राखेकोआरोप लगाइएको छ।
प्रदर्शनका क्रममा मानवाधिकार उल्लंघनको अनुसन्धान गर्ने कि नगर्ने भन्ने तय गर्नसंयुक्त राष्ट्रसंघको टोली बिहीबार बंगलादेश पुगेको छ।
