वीरगंज,३० भदौं – पर्साको कालिकामाई गाउँपालिकाको १० औं गाउँसभामा सम्पन्न भएको छ । गाउँसभामा उपस्थित वडा नं. २ का वडा अध्यक्ष सोनालाल चौरसियाले हस्ताक्षर गर्ने क्रममा म्यानुट बुक च्याती दिएको भएपनि अर्को म्यानुट त्यारपारी गाउँसभा सम्पन्न गरिएको गाउँपालिका अध्यक्ष बशिष्ठ कुमार गुप्ताले बताए । उनले बिपक्षीहरुले म्यानुट च्यातेर गाउँसभा भाड्ने प्रयास गरेको भएपनि असफल भएको बताए ।
गाउँसभामा उपस्थित बहुमत कार्यपालिका सदस्यहरुले संम्यता अपनाउँदै सभा सफल पारेको अध्यक्ष गुप्ताले दावी गरे ।
बिधिपूर्ण रुपमा भइरहेको गाउँसभामा वडा नं. २ का वडा अध्यक्ष सोनालाल चौरसियाले बिरोध जनाउँदै म्यानुट बुक च्यातेर सभा बिथोल्न खाजेको भएपनि उनको योजना असफल भएको सभामा सहभागी अध्यक्ष पक्षधर वडा अध्यक्षहरुले बताएका छन् ।
सम्पन्न भएको गाउँसभालाई उपाध्यक्ष राजमती वैरनी, वडा नं २ का वडा चौरसिया,वडा नं. ३ का वडा अध्यक्ष संजय पटेल,वडा नं. ४ का वडा अध्यक्ष संजय साह गोढ सहितका पक्षले बहिस्कार गरेका छन् । उनीहरुले आफुहरुको पक्षमा बहुमत रहेको भएपनि बलजफ्ती आर्थिक चलखेल गरी गाउँपालिकाका अध्यक्षले एकलौटी रुपमा गाउँसभा सम्पन्न भएको घोषणा गरेको दावी गरेका छन् । गाउँसभाको बिरोध जनाउँदै वडा नं. ४ वडा अध्यक्ष संजय साहले आफुहरु अदालतको सरणमा जाने बताए ।
यता लामो समयदेखि निकासित १० जना कर्मचारीको पूनःबहालिको प्रस्तावलाई गाउँसभाले अस्विकृत गरेको छ । निकासित कर्मचारीलाई काममा नफर्काइने गाउँसभाले पारित गरेको छ । सभाले ३४ करोड ८३ लाख १७ हजार ७ सय ४० रुपैया बराबरको बजेट पारित गरेको छ ।
चालुगत तर्फको बजेटमा वडा स्तरीय योजनाका लागि प्रत्येक वडालाई ८० लाख र उपाध्यक्ष स्तरीय योजनाका लागि १ करोड ४० लाख बराबरको बजेट गाउँसभाले छुटयाइएको गाउँपालिका प्रमुख प्रशासकीय अधिकृत अमित गिरीले बताए । पालिका स्तरीय योजनाका भने लागि २ करोड १० लाख रुपैया बराबरको बजेट गाउँसभाबाट पारित भएको प्रमुख प्रशासकी अधिकृत गिरीले बताए ।
गाउँसभा सक्ने बितिकै गापा अध्यक्ष गुप्ता सदरमुकामका लागि हिडेको र म्यानुट च्याने तथा सभा भाड्ने प्रयास गर्नेहरुको बिरुद्धमा जिल्ला प्रशासन कार्यालयमा उजुरी दिने तयारी गरेका छन् ।
