वीरगन्ज,३१ भदाै । पर्सा प्रहरीले करिब ५० ग्राम ब्राउनसुगरसहित एकजना भारतीयलाई पक्राउ गरेको छ ।
- Advertisement -
प्रहरीले वीरगन्जकाे बसपार्कस्थित सेकुवा पसलबाट ४८ ग्राम ब्राउनसुगरसहित एकजना भारतीयलाई पक्राउ गरेको हो ।
भारत विहार मोतिहारी आदापुर निवासी विकास कुमार पटेललाइ पक्राउ गरेको पर्सा प्रहरी प्रवक्ता दीपक भारतीले बताए । विशेष सूचनाको आधारमा जाँच गर्दा उनलाई सेकुवा पसलबाट पक्राउ गरिएको उनी बताउँछन् ।
- Advertisement -
उनका अनुसार हिजो अबेर राती आएको सूचना अनुसार जाँच गर्दा एक सेकुवा पसलमा खाजा खाइरहेको अवस्थामा उनलाई पक्राउ गरिएको हो ।
पक्राउ परेका पटेललाई प्रहरी हिरासतमा राखी थप अनुसन्धान भइरहेको पर्सा प्रहरीले जानकारी दिएको छ ।
