वीरगन्ज, १ असोज । वीरगन्जबाट लागुऔषध ब्राउन सुगरसहित एक जना भारतीय पक्राउ परेका छन् । पक्राउ पर्नेमा भारत बिहार मोतिहारी आदापुर बस्ने २३ वर्षीया विकास कुमार पटेल रहेका छन् ।
- Advertisement -
वीरगन्ज महानगरपलिका–८ पानीटंकी टाेलस्थित जमुना सेकुवा पसलमा लागू औषध कारोबार भैरहेको छ भन्ने विशेष सुचनाको आधारमा जिल्ला प्रहरी कार्यालय र प्रहरी चौकी बर्सपाकबाट खटिएको संयुक्त प्रहरी टोलीले उनलाई नियन्त्रणमा लिइएको हो ।
प्रहरीका अनुसार कानुनी रीतअनुसार खानतलासी गर्दा उनले लगाएको प्वाइन्टको खल्तीबाट लागू औषध ब्राउन सुगर जस्तो देखिने पदार्थ ५४ ग्राम फेला परेकाे जनाएको छ ।
- Advertisement -
पक्राउ परेका उनीमाथि लागू औषध सम्बन्धी कसुरमा थप अनुसन्धान भईरहेको जिल्ला प्रहरी कार्यालय पर्साका प्रहरी नायब उपरिक्षक दिपक भारतीले जानकारी दिए ।
