उमेश कुमार/बारा,१४ असाेज- बाराकाे महागढीमाई नगरपालिकाकाे बरियारपुरमा लाग्ने बिश्वप्रसिद्ध पञ्चवर्षिय गढिमाई मेलाको संचालक समिति तथा व्यवस्थापन मुल समिति गठन भएकाे छ ।
महागढीमाई नगरपालिकाका नगरप्रमुख उपेन्द्र यादवको अध्यक्षतामा १११ सदस्यीय समिती गठन भएको महागढीमाई नगपालिकाकाे कार्यालयले जनाएको छ ।
मेलालाई सभ्य र भव्य बनाउनकाे लागि मुल समिति गठन गरिएकाे तथा छिटै उप समितिहरु समेत गठन हुने नगरप्रमुख यादवले बताए । समितिकाे उपाध्यक्षमा मनोज कुमार गुप्ता, रामचन्द्र प्रसाद साह, रामबाबु प्रसाद यादव र कैलाश महतो कोइरी चयन भएका छन् ।
त्यसैगरी महासचिवमा विरेन्द्र प्रसाद यादव, नरेश प्रसाद जयसवाल,
उपेन्द्र प्रसाद गुप्तालाई चयन गरिएको छ ।
गठित समितिकाे सचिवमा उमरावती देवी लहेरीन, नितु कुमारी गुप्ता, विरेन्द्र प्रसाद चौरसिया रहेका छन् ।
सदस्यमा नेपाली काँग्रेस बाट १ जना प्रतिनिधि,ने.पा.ए.माले.बाट १ जना प्रतिनिधि, ने.क.पा. माओबादी बाट १ जना प्रतिनिधि रा.स्व.पा.का प्रमुख वा प्रतिनिधि, नेकपा एकिकृत समाजबादी बाट १ जना प्रतिनिधि ,जनत समाजबादी नेपाल बाट १ जना प्रतिनिधि जनमत पार्टीबाट१ प्रतिनिधि नागरिक उनमुक्तिबाट १ प्रतिनिधि नेपाल जनता दलबाट १ जना प्रतिनिधि रहने नव गठित समितिका अध्यक्ष एव नगर प्रमुख यादवले बताए ।
समिति गठनसंगै मेलाको त्यारी तीब्र पारिएको समितिका महासचिव विरेन्द्र प्रसाद यादवले बताए ।
