हेटौंडा, मकवानपुर – हेटौंडामा एक कारले दुई वटा स्कुटर र एक पैदल यात्रीलाई ठक्कर दिँदा ५ जना घाइते भएका छन्। दुर्घटना शुक्रबार दिउँसो १ः४५ बजे हेटौंडा उपमहानगरपालिका–५ सानोपोखरा चोकमा भएको हो।
- Advertisement -
बा १ ३च २००७ नंबरकाे कारले सोही दिशा तर्फ आउँदै गरेको ना ६४ प २८३६ नम्बरको स्कुटर र अर्को बा.प्र–०३–००४६ प ०२५७ नम्बरको स्कुटरलाई ठक्कर दिएको थियो।
दुर्घटनामा पैदल यात्री २३ वर्षीय दिप नारायण चौधरी ना ६४ प २८३६ को चालक ३० वर्षीय नारायण तिमल्सिना, स्कुटर पछाडि सवार २७ वर्षीया अस्मिता सापकोटा, कारमा सवार २८ वर्षीय रन्जित कुमारी शाह र उनको ३ वर्षीय छोरा कुशल रौनियार घाइते भएका छन् ।
- Advertisement -
घाइतेको उपचार हेटौंडा अस्पतालमा भइरहेको छ। जिल्ला प्रहरी कार्यालय मकवानपुरका प्रवक्ता नायव उपरीक्षक श्यामु अर्यालले दुर्घटनाबारे जानकारी दिएका छन्।
