बुटवल । अर्घाखाँचीमा आज साँझ भारतीय नम्बरको कार दुर्घटना भएकाे छ । सन्धिखर्क नगरपालिका–११ ढुङ्गेदेउरालीस्थित भित्री सडक खण्डमा खनदहबाट सन्धिखर्कतर्फ आउँदै गरेको एच आर ५५ एयू ८७९३ नम्बरको कार अनियन्त्रित भई ८०० मिटर तल खसेको जिल्ला प्रहरी कार्यालय अर्घाखाँचीले जनाएको छ।
- Advertisement -
जिल्ला प्रहरी कार्यालयका डीएसपी चत्र बहादुर मल्लका अनुसार, दुर्घटनामा गाडी पूर्णरुपमा क्षति भएको छ। उद्धारका लागि सुरक्षाकर्मी र स्थानियहरूको टोली घटनास्थलमा पुगेका छन्। उद्धारमा एक जनाको सफल उद्धार भए पनि अन्य व्यक्तिहरूको उद्धारमा समस्या भइरहेको जानकारी प्राप्त भएको छ।
दुर्घटनाको कारण र अन्य विवरणहरूको अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ।
।
