काठमाडौं,१९ कार्तिक । सर्वोत्तम सिमेन्ट लिमिटेडको व्यापारमा उल्लेखीय बृद्धि हुँदै गएको देखिएको छ । इक्रा नेपालले सार्वजनिक गरेको विवरण अनुसार गत वर्षको तुलनामा यस वर्ष कम्पनीको व्यापारमा बृद्धि भएको हो ।
गत वर्ष अर्थात् सन् २०२३ मा कम्पनीले ५ अर्ब ३९ करोड १० लाख रुपैयाँको व्यापार गरेको थियो । तर, सर्वोत्तम सिमेन्टले २०२४ मा भने ६ अर्ब ४१ करोड ९० लाख रुपैयाँको व्यापार गरेको इक्राले जानकारी दिएको छ ।
नेपालमा सबै भन्दा लोकप्रिय सिमेन्टको रूपमा रहेको सर्वोत्तमको आगामी दिनमा थप व्यापार बृद्धि हुने देखिन्छ । अक्टोबर २०१० मा प्राइभेट लिमिटेड कम्पनीको रूपमा स्थापित र जुलाई २०१९ मा पब्लिक लिमिटेड कम्पनीमा रूपान्तरण भएको थियो ।
यो कम्पनी क्लिंकर र सिमेन्ट उत्पादन र बिक्रीमा संलग्न छ । यस कम्पनीको प्रमुख सेयर होल्डिङ नेपालको प्रतिष्ठित व्यापारिक घराना सौरभ ग्रुप रहेको छ । नवलपरासी जिल्लाका कारखाना रहेको सर्वोत्तम सिमेन्टले ओपीसी र पीपीसी सिमेन्ट उत्पादन गर्दै आएको छ ।
