बीरगन्ज,१९ कार्तिक । बीरगन्ज कारागारमा रहेका महिला कैदीबन्दीहरुलाई छठ पर्व मनाउन साडी लगायतका सामग्री वितरण गरिएको छ।
- Advertisement -
ग्रिन सिटी सामुदायिक सेवा केन्द्र आदर्शनगरको समन्वयमा रुंगटा वेलफेयर सोसाइटीले कारागारका ६० जना महिला कैदीबन्दीहरुलाई जनही एक एक थान नयाँ साडी र छठको प्रसाद बनाउन चाहिने गँहुको पिठो २-२ किलो वितरण गरेको हो ।
सोमबार कारगारमै आयोजित कार्यक्रममा रुंगटा वेलफेयर सोसइटीका कोषध्यक्ष सुरेश रुंगटाले साडी र पिठो बाँडेको ग्रिन सिटी सामुदायिक सेवा केन्द्रका अध्यक्ष जयप्रकाश खेतानले बताए ।
- Advertisement -
रुंगटाकै अध्यक्षतामा भएको कार्यक्रममा सशस्त्र प्रहरी नायब उपरीक्षक प्रकाश पौडेल, प्रहरी निरीक्षकद्वय रमेश तिमल्सिना र निरोज चौलागाई,वीरगन्ज कारागारका प्रमुख विनय श्रीवास्तव लगायतकोपनि उपस्थिती थियो ।
