सर्लाही, १६ पुस । हरिवन नगरपालिका-६ चारली चोकबाट एकनाले भरूवा बन्दुकसहित २ जनालाई प्रहरीले पक्राउ गरेको छ ।
- Advertisement -
पक्राउ पर्नेमा हरिवन नगरपालिका–११ भेषराज टोल निवासी ३४ वर्षीया जितेन्द्र कुमार घिसिङ र बागमती नगरपालिका– २ निवासी ३५ वर्षीया रत्नलाल जिम्बा रहेका छन् । उनहरुको साथबाट एउटा एकनाले भरूवा बन्दुक, बारूद र छर्रा बेरिङ बरामद भएको प्रहरीले जनाएको छ ।
अस्थायी प्रहरी पोष्ट घर्कौलीबाट खटिएको प्रहरीले घर्कौलीबाट ढुङग्रेखोलातर्फ जाँदै गरेको बा.२३ प ८८९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त हातहतियार सहित पक्राउ गरेको प्रहरीको भनाई छ ।
- Advertisement -
प्रहरीले आवश्यक अनुसन्धान गरिरहेको जनाएको छ ।
