बीरगन्ज, १६ पुस । बीरगन्ज महानगरपालिका वडा नम्बर १० मा यसपालि पनि वडास्तरीय क्रिकेट प्रतियोगिता आयोजना हुने भएको छ। वडा कार्यसमितिले हरेक वर्षझैं यसवर्ष पनि प्रतियोगिता आयोजना गर्ने योजना बनाएको वडाध्यक्ष सुशील साह कानुले जानकारी दिए।
- Advertisement -
साह कानुले भने, “विगत दुई वर्षदेखि निरन्तर रूपमा वडास्तरीय क्रिकेट प्रतियोगिता आयोजना गर्दै आएका छौँ, जसले खेलकुदको क्षेत्रमा युवाहरुलाई प्रोत्साहन र उत्साह प्रदान गरेको छ।” गतवर्षको प्रतियोगितामा कोशी टिमले बागमती टिमलाई हराउँदै उपाधि जितेको थियो।
यसपालि पनि खेल प्रबर्धन र खेलाडीहरूको उत्साहवर्धनको उद्देश्यले प्रतियोगिता आयोजना गर्न लागिएको जनाइएको छ। इच्छुक क्रिकेट खेलाडीहरूले पुस १६ देखि पुस २५ गतेसम्म वडा समितिको कार्यालयमा नागरिकताको फोटोकपी र १ रुपैयाँ शुल्क बुझाएर नाम दर्ता गर्नुपर्नेछ।
