बीरगन्ज,०७ माघ । बाराको प्रसौनी गाउँपालिका–७ बन्जरियामा पराल ताप्ने क्रममा भएको आगलागीमा परी ७५ वर्षीया रजिया साह कानुको मृत्यु भएको छ।
प्रहरीका अनुसार परालको आगो ताप्दा कपडामा आगो सल्किएर वृद्धा गम्भीर घाइते भएकी थिइन्। प्रारम्भिक उपचारपछि काठमाडौँ लैजाने क्रममा बाटोमै उनको निधन भएको हो।
ग्रामीण क्षेत्रमा ज्वलनशील वस्तुहरू प्रयोग गर्दा सावधानी नअपनाउँदा यस्ता घटनाहरू बारम्बार भइरहेका छन्। आगो ताप्न प्रयोग गरिने पराल, दाउरा, र अन्य परम्परागत साधनले दुर्घटनाको जोखिम बढाइरहेको छ।
