काठमाडाैं,१८ माघ । साताको अन्तिम कारोबार दिन सुनको मूल्य प्रतितोला २ हजार ३ सय रुपैयाँले वृद्धि भएको छ।
नेपाल सुनचाँदी व्यवसायी महासङ्घका अनुसार शुक्रबार छापावाला सुन प्रतितोला १ लाख ६२ हजार ८ सय रुपैयाँमा कारोबार भएको छ।
बिहीबार सुनको मूल्य प्रतितोला १ लाख ६० हजार ५ सय रुपैयाँमा कारोबार भएको थियो।
त्यस्तै, चाँदीको मूल्य पनि प्रतितोला ३० रुपैयाँले वृद्धि भई १ हजार ९ सय १५ रुपैयाँमा कारोबार भइरहेको छ।
अघिल्लो दिन बिहीबार चाँदी प्रतितोला १ हजार ८ सय ८५ रुपैयाँमा कारोबार भएको थियो।
