वीरगन्ज, २४ माघ । वीरगन्ज कलेजका विद्यार्थीहरूको भेलाले नेतृत्व क्षमताको विकास, व्यक्तिगत तथा व्यावसायिक प्रगति र सामाजिक सेवामा सक्रियता बढाउने उद्देश्यका साथ बीसीपीएल स्टुडेन्ट क्लब गठन गरेका छन् ।
सुनिता साहको अध्यक्षतामा गठित १७ सदस्यीय क्लबमा आनन्द साह उपाध्यक्ष, महिला उपाध्यक्ष नेहा चौधरी, सचिव मेराज मियाँ, सह-सचिव बिपिन कुमार साह, कोषाध्यक्ष सङ्गम चौधरी र सह-कोषाध्यक्ष नेहा पटेल रहेका छन्। सदस्यहरूमा सोनम पटेल, अञ्जली ठाकुर, सुभाली गुप्ता, पवन साहलगायत अन्य विद्यार्थीहरू रहेका छन् ।
क्लबका सल्लाहकारहरूमा सहायक प्रमुख रुदल ठाकुर, बीबीएस कोर्डिनेटर दिपेस दास, अशोक ठाकुर, धनबहादुर थापा, मनिस गौतम, र कृष्ण पसवान रहेका छन् ।
कलेज प्रमुख बिनोद गुप्ताले क्लब गठनप्रति खुशी व्यक्त गर्दै विद्यार्थीहरूको शैक्षिक र व्यक्तित्व विकासमा क्लबले अहम भूमिका खेल्ने विश्वास व्यक्त गरे । उनले नेतृत्व विकास र सामाजिक उत्तरदायित्वलाई प्रवर्द्धन गर्ने क्लबको भूमिकालाई महत्वपूर्ण बताए ।
नवगठित क्लबले कलेजभित्र विभिन्न शैक्षिक, सामाजिक तथा व्यक्तित्व विकाससम्बन्धी कार्यक्रमहरू सञ्चालन गर्ने योजना बनाएको छ। यसले विद्यार्थीहरूलाई नेतृत्व क्षमताको विकास गर्न, सीप अभिवृद्धि गर्न, र समाजप्रति उत्तरदायी बन्ने अवसर प्रदान गर्ने अपेक्षा गरिएको छ ।
