बारा,२७ माघ । बाराको जीतपुरसिमरा उपमहानगरपालिका–१, पथलैया चोकबाट प्रहरीले स्रोत नखुलेको रकमसहित तीनजनालाई पक्राउ गरेको छ। पक्राउ पर्नेमा भारतका ५० वर्षीय उजिर मियासहित अन्य दुई जना रहेका छन्।
- Advertisement -
शनिबार (माघ २६) साँझ चितवनको नारायणगढबाट पर्साको बीरगन्जतर्फ जाँदै गरेको ना५ख ६५४४ नम्बरको बसमा सवार उनीहरूलाई प्रहरीले नियन्त्रणमा लिएको हो। उनीहरूको साथबाट १० लाख १७ हजार ५०० नेपाली रुपैयाँ र १ लाख ४७ हजार ५०० भारतीय रुपैयाँ बरामद गरिएको प्रहरी प्रधान कार्यालयले जनाएको छ।
