वीरगंज, ३० माघ । नेपाल विद्यार्थी संघले पर्साकाे वीरगंजस्थित ठाकुरराम बहुमुखी क्याम्पसका करण पाण्डेलाई इकाई अध्यक्षको जिम्मेवारी दिईएको छ। संघको २०७५ को सातौं संशोधन र केन्द्रीय अध्यक्षको निर्देशनअनुसार ठाकुरराम बहुमुखी क्याम्पसमा इकाई अध्यक्षको पदभार प्रदान गरिएको छ।
- Advertisement -
नेपाल विद्यार्थी संघले नयाँ नेतृत्वले विधि, विधान र मर्मअनुसार संगठनलाई क्रियाशील बनाउने विश्वास व्यक्त गरेको छ । साथै संघका केन्द्रीय सदस्य तथा प्रतिनिधि अशोक सिंह विष्ट र ई. त्रिलोकी साहले हस्ताक्षर गरेको पत्रमार्फत पाण्डेलाई औपचारिक रूपमा मनोनयन गरिएको छ ।
लामो समयदेखि विद्यार्थी राजनीतिमा संलग्न रहेका पाण्डे ठाकुरराम बहुमुखी क्याम्पसमा नेविसंघलाई सशक्त बनाउने अठोटका साथ अघि बढ्ने बताएका छन्। संघका नेताहरूले पाण्डेको कार्यकाल सफल होस् भन्ने शुभकामना समेत दिएका छन्।
