जनकपुरधाम,२७ फागुन । मधेश प्रदेश सरकारका गृह, सञ्चार तथा कानुन मन्त्री राजकुमार लेखीको सुरक्षामा खटिएका प्रहरी सहायक निरीक्षक (असई) वीरेन्द्रकुमार यादवको निधन भएको छ।
आइतबार राति ११ बजे अचानक पेट र छाती दुखेपछि उनलाई उपचारका लागि स्थानीय अस्पताल लगिएको थियो। स्वास्थ्य अवस्थामा सुधार नआएपछि थप उपचारका लागि नोबेल अस्पताल विराटनगर पुर्याइएको थियो। मधेश प्रदेश प्रहरी कार्यालयका अनुसार, उपचारकै क्रममा राति १२ बजे यादवको निधन भएको हो।
वरिष्ठ प्रहरी उपरीक्षक शान्तिराज कोइरालाले यादवलाई प्रारम्भिक उपचारपछि विराटनगर रेफर गरिएको र त्यहाँ उपचारको क्रममा उनको मृत्यु भएको जानकारी दिए।
सिरहा नगरपालिका–२५, सुखचैना स्थायी निवासी यादव मधेश प्रदेश प्रहरी गण, जनकपुरधाममा दरबन्दी भई कार्यरत थिए।
