काठमाडौं, २७ फागुन । पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’ले संसदमा सरकार र सत्तारूढ दलहरूलाई कडा प्रश्न गरेका छन् ।
- Advertisement -
संसदमा आजको सम्बोधनमा उनले लोकतन्त्रलाई गङ्गा नदीसरह बनाउन खोजिए पनि जनताको नजरमा त्यसलाई मैलो बनाइएको आरोप लगाए ।
“तपाईंहरूले नक्कली भुटानी शरणार्थी काण्ड, बालमन्दिर काण्ड, गिरिबन्धु काण्ड, त्रिभुवन विश्वविद्यालयका जमिन काण्ड जस्ता ठूला घोटालाहरू गङ्गा नदीमा धोएजस्तै गर्नुभयो, तर जनताको नजरमा लोकतन्त्र झन् फोहोर बनाइयो,” प्रचण्डले भने ।
उनले सत्तापक्षमाथि आक्रोश व्यक्त गर्दै जनअपेक्षालाई उपेक्षा गरिरहे लोकतन्त्रप्रति नै विश्वास गुम्ने खतरा रहेको चेतावनी समेत दिए ।
उनको धारिलो अभिव्यक्तिले संसदमा चर्चा पाएको छ भने सरकारका नेताहरूको ध्यान खिचिएको छ ।
