बीरगन्ज, २७ फागुन । बारा प्रहरीले फरार रहेका ६ जना प्रतिवादीहरुलाई नियनत्रणमा लिएको छ । जिल्लामा प्रहरी कारवाहीको सिलसिलामा फरार रहेका ६ जना प्रतिवादीलाई पक्राउ गरिएको हाे ।
गंगापुर प्रहरी चौकीबाट खटिएको टोलीले पक्राउ गरी बारा जिल्ला अदालत कलैयामा पेश गरेको हो ।
पक्राउ पर्ने व्यक्तिहरूमा महेश प्रसाद कुशवाहा, मुस्ताक अंसारी, रमेश प्रसाद यादव, महेश प्रसाद यादव, बिसमतिया देवी, र गणेश पटेल रहेका छन् । महेश प्रसाद कुशवाहा चोरीको अभियोगमा १ महिना र १०,००० रुपैयाँ जरिवाना सहित पक्राउ परे भने मुस्ताक अंसारी लागू औषध सम्बन्धी मुद्दामा २ वर्ष २ महिना र १,२०,००० रुपैयाँ जरिवाना सहित पक्राउ परेका हुन । यस्तै, रमेश प्रसाद यादव, महेश प्रसाद यादव, र बिसमतिया देवीलाई कुटपिट र लुटपिट मुद्दामा ३००० रुपैयाँ जरिवाना सहित पक्राउ गरिएको प्रहरीले जानकारी दिएकाे छ ।
गणेश पटेललाई चोरीको आरोपमा २ दिन र २००० रुपैयाँ जरिवानासहित पक्राउ गरिएको हो। सबै पक्राउ परेका प्रतिवादीलाई आवश्यक कारवाहीको लागि बारा जिल्ला अदालत कलैयामा दाखिल गरिएको प्रहरीले जनाएकाे छ ।
