मकवानपुर,२८ फागुन । मकवानपुरको बकैया गाउँपालिका वडा नम्बर ४, जुरेलीमा मोटरसाइकल दुर्घटना हुँदा एक जनाको मृत्यु भएको छ। स्थानीय रूपक दियालीको दुर्घटनामा मृत्यु भएको जिल्ला प्रहरी कार्यालय मकवानपुरले जानकारी दिएको छ।
- Advertisement -
दुर्घटना मदन भण्डारी राजमार्गअन्तर्गत जुरेली बजार क्षेत्रमा हात्तिसुडेबाट ठुलोदमार तर्फ जाँदै गरेको बा ४० प ५३०६ नं. को मोटरसाइकलको चालक दियालीको घुम्तीमा मोड्ने क्रममा अनियन्त्रित भइ दुर्घटना भएको थियो।
घाइते दियालीलाई उपचारका लागि हेटौँडा अस्पताल लिइएपनि उनको ज्यान गएको प्रहरीले जनाएको छ।
