रुपन्देही,२८ फागुन । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’लाई रुपन्देहीको ओमसतियामा भव्य स्वागत गरिएको छ। उनको सम्मानमा ७१ किलोको फूलको माला अर्पण गरिएको छ।
- Advertisement -
ओमसतिया–६, जमुहानी पोखरा ताल व्यवस्थापन समितिले प्रचण्डको उमेरसँग मेल खाने गरी ७१ केजीको माला लगाएर सम्मान गरेको हो। समितिका अध्यक्ष एवं ओमसतिया गाउँपालिका वडा नम्बर ६ का अध्यक्ष शिवकुमार धवलका अनुसार, यो सम्मान प्रचण्डप्रतिको उच्च आदर भावको प्रतीक हो।
प्रचण्ड आज रुपन्देहीमा विभिन्न कार्यक्रममा सहभागी हुन आएका छन्। उनको स्वागतमा स्थानीय नेता, कार्यकर्ता र शुभेच्छुकहरूको उल्लेखनीय उपस्थिति रहेको थियो।
