जनकपुर,२९ फागुन । सप्तरी जिल्लाको राजविराज नगरपालिका-७ स्थित सिरहा रोडमा बुधबार साँझ छुरा प्रहारबाट दुई युवक घाइते भएका छन्।
- Advertisement -
सिरहा रोडको सखडा मोडदेखि पश्चिम युवाहरूको समूह बीच विवाद भएपछि छुरा हानाहान भएको हो। घटनामा डाकनेश्वरी नगरपालिका-७ का २४ वर्षीय सुनिल यादव र महदेवा गाउँपालिका-४ का २५ वर्षीय सुभाष यादव घाइते भएका छन्।
एसपी ढकेन्द्र खतिवडाका अनुसार, सुभाष यादवको ढाड र कोखामा गम्भीर चोट लागेको छ। घटनामा संलग्न एकजनालाई प्रहरीले नियन्त्रणमा लिएको र अन्यको खोजी भइरहेको जानकारी उनले दिएका छन्।
घाइते दुवै युवकको उपचार राजविराजस्थित छिन्नमस्ता अस्पतालमा भइरहेको छ। प्रहरीले घटना सम्बन्धी थप अनुसन्धान अघि बढाएको छ।
