काठमाडौं, २९ फागुन । स्मार्टफोन ब्रान्ड ‘नथिङ’ ले आफ्नो नयाँ मोडल ‘नथिङ फोन 3A’ नेपाली बजारमा भित्र्याएको छ । चौधरी ग्रुपअन्तर्गतको सीजी मोबाइल्स ले यो फोन नेपाली उपभोक्ताका लागि उपलब्ध गराएको हो ।
मार्च ५ देखि सुरु गरिएको प्रि-बुकिङ उपभोक्ताको उच्च मागका कारण दोस्रो दिनमै बन्द गर्नुपरेको सीजी मोबाइल्सका महाप्रबन्धक विनय जोशीले बताएका छन्। सीमित स्टकमा उपलब्ध विशेष अफरकै कारण फोनप्रति उपभोक्ताको ठूलो आकर्षण देखिएको उनले जना ए ।
‘नथिङ फोन 3A’ ले आफ्नो ट्रान्सप्यारेन्ट ब्याक डिजाइन र ग्लिफ लाइटिङ को विशिष्ट पहिचानलाई कायम राख्दै आएको छ। यस संस्करणमा अघिल्लो मोडलको प्लास्टिक ब्याकलाई ग्लास ब्याक ले प्रतिस्थापन गरिएको छ, जसले फोनलाई थप प्रिमियम लुक दिएको छ।
यसमा ५००० एमएएच ब्याट्री, ५० वाटको वायरलेस चार्जिङ, १२० हर्जको एमोलेड डिस्प्ले, स्न्यापड्रागन जेन ७ एस प्रोसेसर, र एन्ड्रोइड १५ अपरेटिङ सिस्टम दिइएको छ। कम्पनीले तीन वर्षसम्म ओएस अपडेट उपलब्ध गराउने घोषणा गरेको छ।
फोटोग्राफीका लागि फोनमा ५० मेगापिक्सेलको मुख्य क्यामेरा, ५० मेगापिक्सेलकै टेलिफोटो क्यामेरा, ८ मेगापिक्सेलको अल्ट्रावाइड क्यामेरा, र ३२ मेगापिक्सेलको सेल्फी क्यामेरा दिइएको छ। साथै, फोरके भिडिओ सुटिंग र अप्टिकल इमेज स्टेबलाइजेसन (OIS) जस्ता विशेष फिचरहरू उपलब्ध छन्।
नेपालमा यो फोन ८ जीबी र्याम + १२८ जीबी स्टोरेज र १२ जीबी र्याम + २५६ जीबी स्टोरेज गरी दुई भेरियन्टमा उपलब्ध छ। ब्ल्याक, ह्वाइट र ब्लु कलर अप्सनमा आएको फोनको सुरुवाती मूल्य रु. ४८,९९९ तोकिएको छ।
