बीरगन्ज, २९ फागुन । नेपाल पोष्ट मिडिया प्रालिद्धारा सञ्चालित रेडियो सिमाञ्चल ९५.१ मेगाहर्ज परिवारले २०८१ सालको होली पर्वकाे अवसरमा शुभकामना आदान-प्रदान गर्दै मनाएको छ ।
शुभकामना कार्यक्रममा नेपाल पोष्ट मिडिया प्रालिका अध्यक्ष मनोज पटेल, प्रबन्ध निर्देशक सन्तोष साह, एनी कुँवर, सरोज पटेल, मनिषा साह, रमा थामी, एमडी जावेद, एमडी अमित लगायतको सहभागिता रहेको थियो ।
नेपाल पोष्ट मिडिया परिवारले होली केबल रङको पर्व मात्र नभई सत्यको विजय, प्रेम, खुसी, नयाँ जीवन र सामाजिक सद्भावको प्रतीक रहेकाेलेे यसले हामीलाई बिगतका कटुता बिर्सेर खुसी, मित्रता र एकतालाई प्राथमिकतामा राख्ने सन्देश दिने भएकाेले विशेष उल्लासका साथ होली पर्व मनाउन सम्पूर्ण देशवासीलाई होलीको शुभकामना व्यक्त गर्दै सुरक्षित, मर्यादित, र सौहार्दपूर्ण रूपमा पर्व मनाउन आग्रह समेत गरेकाे छ ।
कार्यक्रममा होलीको रौनकलाई सभ्य तरिकाले मनाउन तथा उच्छृंखल गतिविधि नगर्न अनुरोध गरिएको थियो । सामाजिक सद्भावको प्रतीक होली पर्वलाई अनुशासित र भव्य रूपमा मनाऔँ भन्ने सन्देश कार्यक्रममार्फत प्रवाह गरिएको थियो ।
