बीरगन्ज, १ चैत्र । जिल्ला प्रहरी कार्यालय, पर्साले फागु पूर्णिमा तथा रंगहरूको पर्व होलीको अवसरमा विशेष शुभकामना आदानप्रदान कार्यक्रम सम्पन्न गरेको छ ।
कार्यक्रममा जिल्ला प्रहरी कार्यालय, पर्साका प्रहरी उपरीक्षक गौतम मिश्रले कार्यालयमा कार्यरत सम्पूर्ण प्रहरी कर्मचारीहरूसँग होलीको अवसरमा शुभकामना आदानप्रदान गरेका थिए ।
शुभकामना सन्देशमा प्रहरी प्रमुख मिश्रले होली केबल रङको पर्व मात्र नभई सत्यको विजय, प्रेम, खुसी, नयाँ जीवन र सामाजिक सद्भावको प्रतीक रहेकाेलेे यसले हामीलाई बिगतका कटुता बिर्सेर खुसी, मित्रता र एकतालाई प्राथमिकतामा राख्ने सन्देश दिने भएकाेले विशेष उल्लासका साथ होली पर्व मनाउन सम्पूर्ण देशवासीलाई होलीको शुभकामना व्यक्त गर्दै सुरक्षित, मर्यादित, र सौहार्दपूर्ण रूपमा पर्व मनाउन आग्रह समेत गरेकाे छ ।
कार्यक्रममा उपस्थित प्रहरी अधिकारी तथा कर्मचारीहरूले आपसी मेलमिलाप र हर्षोल्लासका साथ होलीको उत्सव मनाएका थिए ।
